تحتاجني مره . . واحتـاجك ألف مره . .

تحتاجني مـره . . وأحتاجك أمرار

تبغي الصحيح أحتاجك العمر كله

مافي يد المخلوق جنه ولا نـار

مير الغلا له سيرةٍ مستقـله

تجاوزت بي رغبتي كل الأسوار

ثم وصلت بي شيء ماكنت آصله

لعلني ما أفقد وجودك ولأ نهار

ترى الزمان ليا قسى ما أتحمله

حياتنا هذي متـاهات وأسـرار

أحد تشـيله فـوق وأـحد تذله

عليكي يدفعني من الشـوق تيار

لوني جبل كان أخـلفه عن محله

ياخير من نـاس حـشام وأخيار

يقعد خوي راسي بفنــجال ودله

ضيفٍ عليك ولي معــزة ومقـدار

ضيفٍ يـبـادلك الوفاء ماتمــله