www.badri.yoo7.com
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


هدا المنتدى مختص في جديد الكمبيوتر
 
الرئيسيةالنتالتسجيلأحدث الصوردخول

 

 قصـــــيــــــده يــــــشــــيـــب مـــنــهــا الــــرأس

اذهب الى الأسفل 
كاتب الموضوعرسالة
yahya
عضو خاص
عضو خاص



المساهمات : 896
تاريخ التسجيل : 08/02/2008

قصـــــيــــــده يــــــشــــيـــب مـــنــهــا الــــرأس Empty
مُساهمةموضوع: قصـــــيــــــده يــــــشــــيـــب مـــنــهــا الــــرأس   قصـــــيــــــده يــــــشــــيـــب مـــنــهــا الــــرأس I_icon_minitimeالأحد فبراير 10, 2008 7:51 am

rabbit

king
قـال الـذي يقـرا بليـا مكاتـيـب ياللي تقـرون العمـى مـن عماكـم
ياعيالي اللـي تشرفـون المراقيـب تريضوا لي واقصـروا فـي خطاكـم
خذوا كلام الصدق مـا بـه تكاذيـب مثل السنـد مضمـون للـي وراكـم
ياعيال لا صرتوا ضيـوف ومعازيـب تـرى الكـلام الزيـن ملحـة قراكـم
وتروا السبابة مـن كبـار العذاريـب وهرج البلايـس مـا يطـول لحاكـم
المذهب الطيب فهـو مذهـب الطيـب والمذهـب الخايـب يبـور نسـاكـم
ياعيـال مـا سرحتكـم باللواهـيـب ياعيـال مـا عمـر المعـزب ولاكـم
ياعيـال ماضربتـكـم بالمشاعـيـب ولا سمعـوا الجيـران لجـة بكاكـم
يامـا توليـت القبايـل تقـل ذيـب من خوف لاينقـص عليكـم عشاكـم
وياما شربت السمن من عرض ماجيب يفـز قلبـي يـوم يبـكـي حـداكـم
أحفيت رجلينـي بحامـي اللواهيـب وخليت لحـم الريـم يخالـط عشاكـم
ياعيال دوكـم لحيتـي كلهـا شيـب هـذا زمــان قعـودنـا بـذراكـم
قمت اتوكا فـوق عـوج المصاليـب قصرت خطانـا يـوم طالـت خطاكـم
عطونـي القرضـة عليكـم مطاليـب عطوني القرضة جـزى مـن جزاكـم
لابـد يـوم عـاوي دونـي الذيـب بالقبر ما افرق طيبكـم مـن رداكـم
مانـي بفاضحكـم بوسـط الاجانيـب باعمالكـم يـدرون كــل اقربـاكـم
لوكـان تـدرون الـردى والمعاييـب صرتوا مع المخلـوق مثـل خوياكـم
خوالكـم بالطيـب تـروي المغاليـب ولو تتبعـون الجـد محـدن شناكـم
وش علمكم يـا تاركيـن المواجيـب حسبي عليكم هالـردى ويـن جاكـم
قصيتكـم واسنـدت وادي سلاحيـب ولقيـت بالصبخـا مدافيـق مـاكـم
ياعيال بعتونـي (بصفـر العراقيـب) مـا هـي حقيقـة سـود الله قراكـم
يالله عسى اعماركم شمسهـا تغيـب يعتـم قمركـم ثـم تظلـم سمـاكـم
يـا علكـم فـي حاميـات اللواهيـب ياللـي علـى الوالـد خبيـث لغاكـم
شفت الجفا والحيف والغلب والريـب بضلوعـكـم لابـيـض الله قـراكـم
عسى نساكم مـا تحمـل ولا تجيـب ولا حدن من البزران يمشـي وراكـم
اخسوا خسيتوا يـا كبـار اللغابيـب اهبـوا هبيتـوا يقطـع الله نمـاكـم
الرجوع الى أعلى الصفحة اذهب الى الأسفل
 
قصـــــيــــــده يــــــشــــيـــب مـــنــهــا الــــرأس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.badri.yoo7.com :: الجناح العام :: منتدى الشعر-
انتقل الى: